صمتك ذبحني

صمتك ذبحني
جيتي ورحتـي ولا كنـك تعرفينـي
سبحان من يخلف الافكـار سبحانـه

علـى جحيـم انتظـارك لا تخلينـي
تجين برضـاك وتروحيـن زعلاانـه

جيتك ألم وارتجف من لوعة سنينـي
وعروقي من الضما والقيض عطشانه

لبيه ياصوتـك اللـي جـا ينادينـي
صوتٍ رسخ في خيالي وارتفع شانـه

من يومها ما حـدٍ غيـرك يسلينـي
ايام عمـري بدونـك مالهـا خانـه

حبيبتـي والغلاسـقـم المحبيـنـي
يـادوب نتنفـس اوروده وريحـانـه

جيت ارتوي من غلاك وما سقيتينـي
وارجعت مشتاق نفسي منك ولهانـه

ياخذني الشوق لين آخـر عناوينـي
واعود بحسرتـي والقلـب بحزانـه

امن الوله بس اصفق راحـة ايدينـي
القلب مشتاق لك والعيـن سهرانـه

صمتك ذبحني وبعثـر كـل مافينـي
ياغاية القلـب يـا سلـواه وجنانـه